王家沙 (已結業)

星期四晚就朋友放工，近近地去又一城晚飯，朋友想食上海菜，就王家沙啦， 可能宜家生意無以前咁好，以前有排等，宜家一上到去就有位子唔使等，又可能好彩啦。 前菜小碟慣例系一坐埋位就放低，唔岩食可以叫攞返走唔收錢，咁我地呢d計開數既，無謂浪費啦。 黎王家沙例牌一定會叫既系雞絲粉皮同小籠包，都保持到一貫水準啦，朋友話想食熏鴨蛋，就點黎試下，蛋黃流心，都幾香，唔錯，下次會再點。 唔使等位黎講，想試下上海野，都係唔錯既選擇！