去天壇大佛除左有大佛參拜之外🪷
仲可以去埋齋堂品嚐齋菜
.
齋堂門口有一個收費亭 旁邊貼左齋堂嘅餐單
10
齋堂分左貴賓齋同珍味素
貴賓齋會坐係齋堂裝修得較靚個邊
而珍味素就會坐係較簡樸嘅一邊 餸菜亦都有少少分別
至於菜單其實已經定好 主要係分左唔同人數嘅套餐😙
.
💫珍味素 - 3 人套餐 （$110/位）
我地今日揀左珍味素 其實同一個廚房出品一樣咁好食
喺裝修更簡單嘅地方似乎更乎合儉樸生活嘅宗旨
三人套餐有四餸一湯 白飯任裝🍚 非常夠食😋
.
🌟古法老火湯
1
今日係粟米木瓜眉豆湯🌽
就算冇加肉都好夠味 味道清甜
.
🌟脆皮炸春卷
炸春卷好大條 中間包左滿滿嘅蔬菜🫔
炸得幾好食落仲好脆 炸皮又唔會太厚
點一點醬汁就更加好味😉
.
🌟碧綠腐球片
以絲瓜🥒、三色椒🫑、芹菜同豆腐切條炒成
.
🌟冬菇扒時蔬
粒粒冬菇加上芥蘭 份量都幾多
.
🌟欖菜蒸豆腐
欖菜非常惹味 令普通嘅蒸豆腐更加好食
係重口味人士之選😝
.
齋堂旁邊仲有個小食部 有其他款式嘅齋菜同糕點 仲有我好鐘意食嘅豆腐花！😍
可以買走做手信 或者買完去戶外餐枱坐低食
下次去寶蓮寺不妨試埋齋菜～
