更多
2021-06-30
6624 浏览
最近体检发现血压上升及有精神紧张迹象，周末就听从医生建议同哥哥去咗北角开咗近三年嘅「香港维港凯悦尚萃酒店」潮玩staycation。哥哥所选购嘅套票包埋于酒店咖啡厅「The Farmhouse」享用自助早餐。自助早餐开放时间为早上六点半到十点半，住客可预先上网登记心仪嘅用餐时段，但此举并不等同预先订座，遇上繁忙时间都一样要排队等位。真系冇谂到个早餐原价$248/大人、$150/长者或小童，另收加一服务费，即使酒店住客可享八五折优惠都唔平，因为套票包咗先觉得抵啲。为咗可以影多几幅靓相，细佬一早七点几就去咗二楼餐厅大肆探索。接待处位妹妹非常友善，陪同安心探热后即带小肥入座，并提点热食区藏于最入不太起眼嘅位置，细心得很！楼底高高嘅用餐大堂十分开扬，窗边排出一列以胶板隔开嘅二人散座，中央位置则摆出多张相隔一点五米嘅四人餐桌，完全符合抗疫标准。拍墙有间半厢房式设计嘅八人枱，相信私隐度为全场最高也。餐垫上摆有自用嘅西式餐具、口罩套及湿纸巾。由于用餐时间限定为一小时，入座后妹妹会于餐桌上放下一张写有入座时间嘅「仲食紧」纸条。用餐后只需反转纸条以示「食饱噜」即可离场。场内嘅服务生唔熟手都唔系太紧要，可
自助早餐开放时间为早上六点半到十点半，住客可预先上网登记心仪嘅用餐时段，但此举并不等同预先订座，遇上繁忙时间都一样要排队等位。真系冇谂到个早餐原价$248/大人、$150/长者或小童，另收加一服务费，即使酒店住客可享八五折优惠都唔平，因为套票包咗先觉得抵啲。
为咗可以影多几幅靓相，细佬一早七点几就去咗二楼餐厅大肆探索。接待处位妹妹非常友善，陪同安心探热后即带小肥入座，并提点热食区藏于最入不太起眼嘅位置，细心得很！
楼底高高嘅用餐大堂十分开扬，窗边排出一列以胶板隔开嘅二人散座，中央位置则摆出多张相隔一点五米嘅四人餐桌，完全符合抗疫标准。
拍墙有间半厢房式设计嘅八人枱，相信私隐度为全场最高也。
餐垫上摆有自用嘅西式餐具、口罩套及湿纸巾。
由于用餐时间限定为一小时，入座后妹妹会于餐桌上放下一张写有入座时间嘅「仲食紧」纸条。
用餐后只需反转纸条以示「食饱噜」即可离场。
场内嘅服务生唔熟手都唔系太紧要，可以边做边学，最令人惊讶不安嘅系听到有两位以粗言秽语讲述对客人不满嘅对话，就算其身份为临记都有损酒店形象，态度欠缺专业。此外，其实第一日张餐枱都冇乜问题，不过第二日𠮶张就明显好耐冇抹过；如下图所示，桌上嘅污积绝对唔似只系𠮶朝六点半至七点二十一分内所留底啰！
自助餐饮项目分为冷、热两区。饮品包括果汁、茶、奶及咖啡可于近门口嘅「冷区」揾到，只系单单唔见有水饮。
顾名思义，「冷区」内主要为冷冻嘅食物，如生果。
存于透明雪柜有多款冻肉、芝士、沙律、三文治等。
冰阵上有健康啲嘅乳酪及多款谷类早餐食品。
面包架上亦琳琅满目，最抢眼就系啲七彩鲜艳嘅冬甩。不过个人钟情嘅却系细细只嘅朱古力味牛角包，吃前烘一烘，可令朱古力馅半溶于更酥化嘅包品内，如果朱古力份量可以加重少少就完美啦！
面积较大嘅热食区内有多位师傅烹制菜式。
即叫即备嘅项目每天都会有啲唔同，超人气之选系只见到一次嘅温泉蛋饭，金黄橙美嘅温泉蛋包保流心滑溜，实属亮点，个人诚意推介！
温泉蛋饭
34 浏览
1 赞好
0 留言
即煎香草芝士蘑菇奄列
273 浏览
1 赞好
0 留言
即煮粉面
31 浏览
1 赞好
0 留言
鱼蛋牛丸汤河粉
136 浏览
1 赞好
0 留言
中菜以爽脆弹牙嘅杂菜炒面最美味。
杂菜炒面
24 浏览
1 赞好
0 留言
点心
28 浏览
1 赞好
0 留言
点心
35 浏览
1 赞好
0 留言
送粥配料
25 浏览
1 赞好
0 留言
荷包蛋
24 浏览
1 赞好
0 留言
场内嘅小朋友大多都爱食甜甜嘅班戟及布丁，睇见佢地落咁多忌廉同果酱就知边样先系主角啦！
XO仔独爱干巧香脆嘅墨西哥芝士馅饼，涂上莎莎酱及牛油果酱即倍添清新惹味。
墨西哥芝士馅饼
67 浏览
1 赞好
0 留言
自助早餐
82 浏览
3 赞好
0 留言
张贴
