新泰東南亞餐廳 (馬鞍山廣場)

营业中

休息中

今日約左朋友去馬鞍山食飯，佢帶左我去食泰國嘢。朋友話呢間餐廳成日都好多人等，等左一陣就可以入去。餐廳都幾大，全場都爆晒。朋友話事，點左一個小食，一個飯同埋一杯飲品。椒鹽軟殼蟹：估唔到份量都多，剛剛炸起，入口仲係熱，連埋炸香嘅洋蔥、蔥、蒜同一齊食，香口又脆。越式燒春雞釀香茅黃飯：旁邊有沙律菜跟，味道清新爽口。燒春雞燒得幾好，唔會燒到好乾，有肉汁，都唔細隻。黃飯又唔會話好重香料味道，鹹鹹地，帶少少雞油，估唔到咁好食。紅豆冰：幾大杯，夠凍，紅豆細細粒，夠淋夠甜，好香椰汁味。