Mr. Right (已結業)

成日都鐘意係元朗搵食😂貪方便得黎附近又有好多好野食..係元朗放工想食西餐就周圍搵下有無啦，係西菁街附近見到呢間Mr right 就入左去🤣返工做到隻狗咁，放工真係要食好啲獎勵下自己，叫左成個dinner set 😅包哂前菜餐湯主菜甜品咩都有齊...第一個上個海鮮拼盤有哂生蠔珍珠螺同蝦，值得一讚係呢到每樣都勁新鮮勁鮮甜..同出面之前食過一啲勁霉既真係差太遠..特別係個螺唔係得個韌字，咬落好爽脆彈牙，兩隻都滿足唔到我😆。頭盤之後就到呢個黑松露忌廉湯，入口好creamy 但一啲都唔膩，黑松露味好出。而餐包又唔係一般出面常見個隻包，好有特色。仲有煙三文魚Cesar salad😍入面好足料，有煙肉，麵包粒配上醬汁好夾好refreshing 😀唔洗幾分鐘就清左成碟...個主菜個名好長😂「扒大虎蝦海鮮海膽忌廉汁配墨魚意粉」，上面隻蝦一啲都唔會霉，啲海膽仲好鮮甜。個意粉幾有驚喜，墨魚味幾重同其他好夾，唔會蓋過其他食材既鮮味，可以再encore。甜品係我好期待既一環，揀左個意大利奶凍配綠茶雪糕，入口好smooth唔會太甜，上面仲有粒粒芒果粒，配埋個綠茶味既雪糕真係大滿足😂擺盤好有心思。