但馬屋 (新都會廣場)

营业中

休息中

谂住去葵广扫街，但实在太墟撼，转场去咗隔离新都会广场，可能过咗午巿繁忙时段，但马屋唔使等位，拣咗日本产黑毛和牛放题套餐，店员问有冇兴趣加多几十蚊升级特选和牛，我又觉得冇咁嘅必要，肉未到之前出去自助区夹下D配料，讲真款式唔多，但有些特色蔬菜出面系比较少见，至于丸类略为普通， 牛肉上枱第一视觉😎🉐️，油花分布唔错，咋咋临队入锅先，入口非常软淋 😋，三百几蚊有呢个质素，个人认为值得，咪住……🥴last分开order𠮶3碟就出事，油花比例明显跌watt，口感嚡，睇图会见到好大分别饮品区🍹有罐装茶、水果茶、热茶、汽水、jolly shandy等💁🏻‍♀️要弹一弹个雪糕柜，成日见人𢳂雪糕要排好耐，好奇心驱使下出去八下，原来D雪糕坚硬无比，见前面位靓女为咗试齐四款口味， 费尽九牛二虎之力，勉强完成任务，由于太硬关系，好多人都系揿住个雪糕筒边嚟𢳂，其实都几唔卫生😑，依家好多餐厅都已转用软雪糕机或提供杯装雪糕，系时候要变下