Ada 美食廣場

最厭惡工作就係到會展做展覽，連續罰企 5 日每日 9 小時！勞民傷財無客無生意，磨爛蓆都唔知為什麼！您的待遇如何，您的面口也如何！對住福佳縮骨自私大陸老闆，那會有奮鬥心，那會有進取心！見早到灣仔仍有時間食早餐，買個外賣到會場慢慢嘆，舒緩一下怨氣！


豉油皇炒麵，跟芽菜早已合體撈埋一齊無得走，我唔食芽菜架！唯有花時間挑走。看似濕濕腍腍炒麵，大啖塞入竟然乾爽嚥韌彈彈的，而且豉油味濃郁可口，辣椒油都不用了！兩三啖而迅即全部吞下，不過食完非常頸渴喎。


皮蛋瘦肉粥，只有零星食材，幾乎撈唔到！薄薄粥水，有肉味的粥底，尚算合格。粥加炒麵 $30 蚊有點貴，因為灣仔區？

豉油皇炒麵

皮蛋瘦肉粥