大中華素食

营业中

休息中

平時都唔會主動搵素食館，朋友帶我去試吓先有機會來呢間食午飯。素食比我的感覺就係好清淡，嘢食的味道好淡，一係就在塊整得好假的肉上面加啲好重口味嘅醬汁，怪怪地咁。但係呢次改變左我呢個觀念，佢個番茄炆枝竹，甜甜地好似平時食到出面的番茄蛋個汁咁，個汁夠濃厚，送飯好滋味。白飯旁邊的白菜都炒得幾爽口的，唔係想像中白烚咁淡口。個肉丸做得好似真肉，食落真係覺得幾香。鍾意食肉的，又想食得清減少少可以來呢類型的素食館。我叫嗰份係每日午餐兩餸飯，餸都會比較簡單為主，但呢度都有小炒菜式，朋友就叫咗個炒牛肉，都幾有鑊氣。