炭火地雞 (已結業)

最近去銅鑼灣食嘢，發覺有間餐廳個名都幾特別！叫做炭火地雞～原來依間舖頭係用左日本備長炭去燒！所以所有串燒都好有日本風味既然佢個舖頭名有個雞字，相信佢啲雞都有一定嘅質素～佢哋用咗空運最上乘的嘉美雞。我哋叫咗雞柳（芝士🧀️），雞胸軟骨，雞腎，熟成雞腿肉同埋免治雞肉棒🐓🍗佢啲雞肉做得幾好食😋因為佢啲皮燒得好香脆，然後入邊個雞肉好Juicy!之後我哋叫咗一個辛辣雞肉芫荽沙律🌶️我未見過咁足料嘅芫荽🌿另外我哋再叫咗個濃香雞湯素面🍜質感有啲似幼身嘅烏冬！個人覺得幾好食唯獨是我覺得黑松露帶子燒差小小😣然而我覺得最好食嘅係炭燒白鱔同埋明太子燒淮山😍平時我麻麻哋食鱔，反而令我鍾意咗🤣好啖啖肉同埋好新鮮! 另外淮山本身係冇味，但係加埋明太子一淋一軟嘅口感好特別！最後我哋叫咗個百香果梳打同埋一個乳酸飲品🍹都幾足料同埋幾抵！