越旺美食 (已結業)

係大角咀番工，成日lunch就會過嚟食。呢間食越南河粉好好食，味道好，價錢又便宜！前排無食以為執左，行錯地方，兜左個圈，竟然俾我搵到！原來搬左一間大鋪，係順豐站隔離。生牛肉河好多牛肉鋪係面，真係半生熟咖，牛肉嫩滑有牛味。再試下個湯底先，夠熱濃味但唔咸，真係忍唔住飲多幾啖。特式金牛河其實呢個應該類似火車頭，乜都有少少。入面有生熟牛肉，牛腩，牛丸。湯底係一樣嘅，最欣賞佢係啲河粉完全唔會碎，明顯的一條條。仲有入口好滑溜，又唔會有米漿味！不過啲牛腩比較鞋口太乾。越酸辣式鳳爪唔知係咪因為越式嘅關係，所以佢無咁辣，反而我中意食，佢係酸啲嘅，而且好入味，入口一件又一件，應該有差不到10隻俾我食哂。。越式豬頸肉一份應該大概有10片，啲邊位燒得好香口。燒豬頸肉真係好好食，就算唔沾醬一樣咁吸引！馬拉盞炒通菜哇哇！勁大份，完全無諗過係咁大份咖。成碟菜係炒到好香口，夠鑊氣！通菜又爽脆，又俾我Ko一碟😎😎越式蒸溜咖啡☕️真係好特別，呢杯咖啡係飲落有煉奶嘅甜味，但又唔蓋過咖啡嘅香味。簡直係高評價！話梅冰話梅加梳打水。清新酸酸甜甜咁。估唔到有好多人幫襯，我見餐廳人客keep住係滿座，呢間小店真係幾好食。今餐好滿足😆