班蘭葉印尼餐廳

营业中

休息中

男友又話要食印尼嘢，其實我吾太鍾意食，因為之前食過一次，辣我鍾意食既，但佢地咩都炸，炸到好乾，我食完即刻喉嚨痛，印象麻麻，但為左做100分女友，無辦法嘞…佢仲要遲到，幫佢叫定個炸魚飯，我自己無咩想食，見店員介紹我試下個素托雞絲湯，我就即管試下…條魚梨到，果然又係炸到乾淨淨，我一點興趣都没有。反而個素托雞絲湯就令我有驚喜，好多芽菜，雞絲，兩隻雞腳，半隻蛋，葱花，全部都係我至愛，個雞湯好濃郁，加少少辣椒醬，不錯。至於條炸魚，男友比左一啖肉我試，配上個即磨辣椒醬，原來都幾好食，又吾乾，今次令我對印尼嘢開始有少少改觀了。