船皇 (厚福街) (已結業)

餐廳位於厚福街，喺舖頭出面已經覺得好有泰國嘅感覺，其實可能只係太耐冇去旅行嘅幻覺🙍🏻‍♀️見佢唔算太貴，就入去試下！佢餐牌有幾款麵揀，直接揀個乜都有既！👅 船皇船麵加凍檸茶佢有四款麵：河粉，金邊粉，米粉同埋蛋麵，既然食泰國嘢，當然揀金邊粉！辣度揀左少辣，一嚟到見到湯底咁深色，就已經好期待，不過味道比我想像中淡，亦都唔辣。餸方面呢，炸豬皮都脆，不過雞翼得單邊，有啲少，有啲雞絲，再搭多兩粒丸，啱晒細食嘅女仔，不過男仔或者嗰日特別肚餓嘅話可能要加麵底🤓其實佢仲有配個小食，不過個小食冇乜特別就唔多介紹喇。但佢個嘢飲嚟到都幾驚喜，因為隻碗好泰國🤣