萬豚屋

营业中

休息中

难得系尖沙咀揾食但满街都系人，突然谂起久违咗多年嘅万豚屋便行嚟睇吓，幸好此店挨得过疫情又唔使等位，立即坐低开餐。冻奶茶几大樽，茶味可以，不过甜咗啲。清酒系店员推介，酒唔啱我，朋友就话好饮。上枱时乌冬窝仍滚紧，厚切豚肉炆得好正，有油香又唔柴，好彩拣咗4件版本，乌冬就一般，加$10转稻庭乌冬会好啲，汤底算系香浓嘅。玉子烧份量几大，上面有好多沙律酱，入面又有好多好甜的猪肉丝，最啱钟意甜口味的食客。一口牛系煎炸唔系烧，一啲炭香味都无，嚡口又无牛味，下次唔会再叫。日式炒杂菜带甜，算是正常发挥。