聚豐燒鵝小廚

营业中

休息中

喺元朗附近做嘢就順便揾下有咩食店試下，見到有人話呢間啲梅菜蒸鯇魚幾滑（雖然佢餐廳名賣燒鵝），咁就試一試佢。入面係普通茶餐廳格局，一張大圓枱可以坐4～6人，繁忙時間有機會需要同人搭枱。入舖一坐低就唔多諗直接叫梅菜蒸鯇魚，配凍飲+$3，店員會主動問你想要咩部位，我就一定㨂魚腩，而個餐跟例湯，當日應該係椰子雞湯，都算夠味、唔似味精湯。大約10分鐘左右之後就上埋蒸魚，睇落條魚應該係即蒸，啲肉嘅口感係新鮮，唔似某啲餐廳一早蒸定、啲肉霉霉哋/嚡熠熠。食飯途中都有其他人叫蒸鯇魚，可能真係呢間舖嘅招牌菜之一。