影片
更多
2009-06-04
22 浏览
今趟係Cafe Serena裝修後嘅第一次幫襯，對上一次已經係兩年多前嘅事，依然見到印度叔叔嘅即做薄餅！星期日，原本一行四人哩食免費嘅自助午餐（用信用卡積分換嘅），有兩個朋友臨時甩底，咁訂咗位又費事得我哋兩公婆，結果臨時拉夫搵咗好友咖喱同阿志，咁啱依日係佢哋嘅結婚週年，整定佢哋有食神！環境唔算好大，但簡約嘅裝修，杏色淺啡色嘅色系，皮梳化皮椅，加埋侍應安排我哋坐近窗口位，望到少少海景，感覺幾舒服！食物都算多選擇，又有好幾個即做櫃枱，補充又幾快手，所以都好少要排隊等食物，當然除咗即煮喇沙同埋個即煎印度薄餅。而服務方面，殷勤有禮，始終都係一間出名嘅酒店！哩度嘅自助餐食物種類算適中，唔算多，亦唔算少，沙律有4款醬汁加10多款配料及沙律菜，我就加多兩隻芝士焗蠔，DIY咗我自己好有睇頭嘅芝士焗蠔沙律作為頭盤，配埋黑醋汁，醒腦又醒胃！沙律菜都夠新鮮爽脆，加埋其他配料好似煙肉碎、松子仁、芝士碎…等等，好味好味！芝士焗蠔對於唔食得生蠔嘅人就啱晒啦，不過，我食得生蠔喎，無生蠔就覺得唔夠抵啫，除咗芝士焗，佢哋仲有一款茄汁焗，濃郁嘅茄醬蓋住隻蠔面，味道搶咗少少，都係芝士焗好D！跟住仍然試D淡味嘅食物，就係魚生
環境唔算好大，但簡約嘅裝修，杏色淺啡色嘅色系，皮梳化皮椅，加埋侍應安排我哋坐近窗口位，望到少少海景，感覺幾舒服！食物都算多選擇，又有好幾個即做櫃枱，補充又幾快手，所以都好少要排隊等食物，當然除咗即煮喇沙同埋個即煎印度薄餅。而服務方面，殷勤有禮，始終都係一間出名嘅酒店！
哩度嘅自助餐食物種類算適中，唔算多，亦唔算少，沙律有4款醬汁加10多款配料及沙律菜，我就加多兩隻芝士焗蠔，DIY咗我自己好有睇頭嘅芝士焗蠔沙律作為頭盤，配埋黑醋汁，醒腦又醒胃！沙律菜都夠新鮮爽脆，加埋其他配料好似煙肉碎、松子仁、芝士碎…等等，好味好味！芝士焗蠔對於唔食得生蠔嘅人就啱晒啦，不過，我食得生蠔喎，無生蠔就覺得唔夠抵啫，除咗芝士焗，佢哋仲有一款茄汁焗，濃郁嘅茄醬蓋住隻蠔面，味道搶咗少少，都係芝士焗好D！
跟住仍然試D淡味嘅食物，就係魚生同冷麵，魚生有吞拿魚同三文魚，兩者都好鮮味，師傅又唔就手切得大大件，冷麵就覺得一般喇！仲有一款一個個波形嘅飯糰，夾雜咗一D泡菜之類，都幾得意！食開日本嘢，就試埋個關東煮同D炸物，OK喎。
下一輪就係試佢哋嘅熱盤，印象中唔覺得有咩好突出，所以殺咗一碟樣樣試吓佢咁啦！反而刻意留肚食個即煮喇沙同印度咖喱加薄餅。個喇沙海鮮都幾多料，有蝦有蜆，幾鮮味，個湯汁微微哋辣，呷幾啖幾好味，叫到師傅先至做，製作需時，所以要等吓！另外個印度咖喱牛炆得好鬆化，好焾滑，咖喱又足香料味，唔會死辣，加埋印度薄餅，薄餅內裡加咗料，有D花生碎，有咬口好多，不過，薄餅又係要等一等，因為師傅做得慢之餘，有時又掛住玩花式玩吓嘢！
哩到依刻，都食到八八九九，搵D生果消化吓，少有哋有西柚食，去晒皮切好一件件，多汁，所以掃咗好多件，菠蘿同哈密瓜都甜，又食咗好多！最後，叫定杯咖啡，慢慢嘆埋堆甜品，甜品方面除咗幾款切餅，仲有10款左右嘅杯裝甜品，整體哩講，款式跟大部分水準有番咁上下嘅酒店差唔多，好似慕絲、奶凍、芝士餅……之類，總之種類同味道做到樣樣都有，不過，勝在夠晒平穩，水準唔錯，唔會話慕絲就硬實實，奶凍唔滑，芝士餅無芝士味，雖然無驚喜，但一樣滿足到我哩個甜品狂！雪糕就只得軟雪糕，可惜就有少少咁啦！
张贴
