除咗新出嘅「丸作柚柚綠」吸引我之外，即製嘅丸子，期間限定唔同口味嘅丸子，同埋Jiwoon 嘅banner都好吸引❤️
朋友order 無糖紅茶拿鐵珍珠，店員介紹呢一款茶味會重啲。我就揀咗「丸作柚柚綠」配菊花丸子（微糖）。
首先我杯果茶大大杯，一眼就望到好多柚子肉同丸子，一口啜入，粒粒丸子、柚子肉同綠茶分別先後入口。柚子肉唔會酸，菊花丸子清香。
朋友俾咗一啖我試，紅茶拿鐵用鮮奶冲，奶味香而不濃，帶出紅茶茶底香。另外丸子就俾咗啲甜杯茶，咬口較軟。
遲啲仲有聖誕丸子，期待中！
最後要讃店員詳細介紹，thanks!
2
