富記美食 (已結業)

👩🏻放工同屋企人食點心，揀咗油麻地一間小店。佢哋所有點心都係即叫即做，最近仲有即拉嘅腸粉😍。🥢咖喱魷魚 $28大大碟水魷有五翼兩鬚，份量頗多，爽口彈牙。咖喱醬既有蒜香亦有沙嗲甜味，辣味唔算重。🥢蟹籽燒賣 $28超誇張爆晒餡！爽口彈牙又鮮味。🥢蝦餃皇 $28蝦餃皮厚薄適中，蝦肉餡好鮮甜。🥢糯米雞 $28大大個糯米雞勁多餡。豬肉碎充滿蠔油汁嘅甜味，仲有雞翼同唔少冬菇絲。🥢鴨腳扎 $28鴨腳煮得入味易咬，芋頭口感粉腍。腐皮吸晒蠔油汁，又唔會太油膩。🥢杞子豬膶腸 $30腸粉滑溜夠薄，豬膶粉腍鮮味。