S3 186 (已結業)

啱啱買完電腦用品，諗緊除咗深水埗可以食粉面之外仲有冇其他選擇，結果俾我哋搵到呢一間。呢度空間感十足，一入門口，原來轉入去仲有一個大嘅地方，枱與枱之間都唔會好迫，餐牌上面有好多選擇，我哋叫咗鵝肝多士，軟殼蟹海膽飯，豬手一隻，同埋兩杯特飲。飲品見到佢個名好特別叫做綠精靈，其實係梳打加雪糕，老少咸宜，非常清新，仲大大杯添。鵝肝多士入口即溶，下面的配菜10分有心思，是新鮮生果慢慢熬製的。軟殼蟹炸得很香脆，喜歡海膽飯上面仲有蟹籽，海鮮味十足。最後上菜的是原隻豬手，非常之大隻，外面脆，內面鬆軟。豬手下面的薯蓉非常之軟滑，而且吸入豬油，非常香口。仲有沙律配菜，每啖豬手都可以配上經過調味的沙律菜，就可以中和返油膩的感覺。