更多
2018-06-28
9917 浏览
有位好兄弟，不时都相约行山，话题又啱倾啱讲，是日工作唔太忙，相约食晏昼饭，当然奉陪啦。由最初话食「大家乐」，变咗嚟「喜双逢」饮茶，绝对喺即兴。酒楼位于「万邦行」内嘅老饼商场，近门口喺一排排卡位，我哋两丁友就被安排坐晌房内挨墙死角位，虽然逼啲，但啱我㖞，窜埋一角少啲人骚扰。然而，由于啲枱櫈排到密密麻麻，所以，整体都喺嘈啲。环境一室鲜红，就连点心纸都喺红色，感觉有点娘。食物有齐晒点心、小食、推介、甜点、炒粉面，并登晒价钱，不过，定价真喺几贵吓。咸脆花生 $20每份收廿蚊，现成货，无乜美味可言，绝对喺过桥湿脚酒楼赚硬你嘅技俩，其实，小弟就最唔钟意中菜馆呢啲经营手法。茶芥收$18位，一样偏贵，唯一就喺有碟XO酱，之但喺，唔喺个个客都喜欢食XO酱啰，查实碟XO酱都几好食，咸咸鲜鲜而微辣。水晶莹鲜虾饺 $58去唔少酒楼食笼虾饺皇，贵极都喺三十五蚊左右，呢度一笼4粒就盛惠$58。佢哋嘅虾饺无话特别大只，饺皮亦未至于晶莹剔透，但压纹工整，饺皮唔黏牙，而啲鲜虾馅真材实料，爽弹又堆到满满，极富鲜虾味。杞子烧卖王 $58平时见放蟹籽嘅烧卖皇就多，改放粒杞子，虽然味道唔会话特别唔同，却有种古早味。烧卖做得丰满
酒楼位于「万邦行」内嘅老饼商场，近门口喺一排排卡位，我哋两丁友就被安排坐晌房内挨墙死角位，虽然逼啲，但啱我㖞，窜埋一角少啲人骚扰。然而，由于啲枱櫈排到密密麻麻，所以，整体都喺嘈啲。
环境一室鲜红，就连点心纸都喺红色，感觉有点娘。食物有齐晒点心、小食、推介、甜点、炒粉面，并登晒价钱，不过，定价真喺几贵吓。
咸脆花生 $20每份收廿蚊，现成货，无乜美味可言，绝对喺过桥湿脚酒楼赚硬你嘅技俩，其实，小弟就最唔钟意中菜馆呢啲经营手法。茶芥收$18位，一样偏贵，唯一就喺有碟XO酱，之但喺，唔喺个个客都喜欢食XO酱啰，查实碟XO酱都几好食，咸咸鲜鲜而微辣。
水晶莹鲜虾饺 $58去唔少酒楼食笼虾饺皇，贵极都喺三十五蚊左右，呢度一笼4粒就盛惠$58。佢哋嘅虾饺无话特别大只，饺皮亦未至于晶莹剔透，但压纹工整，饺皮唔黏牙，而啲鲜虾馅真材实料，爽弹又堆到满满，极富鲜虾味。
水晶莹鲜虾饺
$58
517 浏览
0 赞好
0 留言
杞子烧卖王 $58平时见放蟹籽嘅烧卖皇就多，改放粒杞子，虽然味道唔会话特别唔同，却有种古早味。烧卖做得丰满大粒，面层仲有啲鲜虾，咬落又唔会一口都喺肥猪肉，松化爽口。
酥炸奶黄包 $42一客3个炸奶黄包，色泽金黄均匀，咬落亦唔觉油腻，虽然啲奶黄馅唔似得啲流沙包流得咁澎湃，基本上可以话喺唔流，但奶黄馅都几柔滑富蛋香，炸过就多份香口感。
酥炸奶黄包
$42
145 浏览
0 赞好
0 留言
黑松露红米蛋白炒饭 $148极之健康嘅一道炒饭，而且，都炒得都几大碟。黑松露落得无手紧，所以，上枱已散发出松露幽香，饭粒分明，炒得够爽身；除蛋白，饭内仲混有粟米、芥兰粒添。
「喜双逢」走嘅喺贵价路线，定价直逼酒店中菜厅，但跟环境、服务都未喺去到同一个水平，感觉都喺偏贵。然而，食物喺做得不错，点心水准扎实，但却唔会有咩太大惊喜，同等价钱，晌中环可以有好多选择。
张贴
