粵來順 (已結業)

食肆有冇米芝蓮光環加持對我黎講唔重要，決定黎粵來順時都冇留意過，睇食評時亦都只係哦一聲，咁作為米芝蓮，價錢就唔貴嘅，哈。星期五晚夠膽死冇訂位行過黎，勉勉強強坐到張四人枱，餐廳環境一般小菜館格局，枱櫈異常逼狹，加上九成滿座，非常熱鬧一行四人坐低之後就急急腳睇餐牌，菜式選擇都多，店員見我地對海鮮套餐冇興趣都識趣地走開。一行四人揀左啲超普通嘅小菜，四餸一湯，人均消費二百，除左個湯最值得一讚，未見邊款小炒特別出色，可能我地唔係點招牌菜啦，總結呢間我就試一次算。杏汁白肺湯 $248無飯夫婦出街炒小菜，梗會睇下有乜湯水，點左個大嘅杏汁白肺湯，皆因自己煲就超花時間、工夫，又煲得唔夠好飲。呢個湯推薦，大份足夠四人分享，每人都飲到兩碗有多，撈起亦都有唔少湯料。湯底奶白色，入口厚身，濃稠適中，飲得出落足料避風塘雞翼 $98雞翼控就有點失望，一上枱見雞翼賣相都幾吸引，雞翼大隻，亦都炸得好香脆，無油膩感；可惜雞肉入面係完全無味。粵來順少炒皇 $128小菜整體份量偏少，你當每款兩個人食就差唔多。小炒皇味道都唔錯，同一般小菜館大同小異，都幾香口，而且佢加左幾粒蝦球，新鮮爽口。醬爆黑豚肉 $108西芹炒起啲類似豬