正宗印度餐廳及酒吧 (銅鑼灣道)

营业中

休息中

星期日朝早打完波，同波友響維園附近散步吹水，好快就肚餓，行行下遠遠就聞到印度美食獨有嘅香氣，我地心唸香味咁勁就去試下味道如何。呢間餐廳唔算好大，但可能我地黎得早，人唔多，加上光線夠充猛，坐得到好舒服。講翻野食，據我所知，印度最出名就係咖喱，我哋又點可以唔試下呢到嘅咖喱菜色，於是我哋就點咗呢個孟買醬咖喱薯仔，果然係十分之有驚喜，薯仔炆得好入味又唔會太林變到薯蓉咁，平時啲薯仔食一兩件已經會覺得濟好易飽，但呢個孟買醬居然會令到我越食越停唔到口，依家終於明白印度人點解咁鍾意食薯仔啦。我地再叫咗個都係極具印度特色嘅瑪莎拉雞肉，呢度嘅瑪莎拉估唔到同我之前食嘅有d唔同，佢用番茄醬作為主要嘅醬汁，搭配之下，瑪莎拉嘅味道唔會太沖，反而好柔和，起到增香嘅左右，令番茄味嘅雞肉有香料嘅味道，香氣十足，味道豐富，加上雞肉又夠嫩，成個菜色嘅搭配好好，個汁用黎點印度薄餅就更加係一流，我地好似餓咗好耐咁好快清曬。呢間餐廳都真係好值得一試，平時其他好多印度餐廳都為咗就本地人口味做小小微調，但呢啲餐廳嘅野食先真係正正宗宗嘅印度味道，原來都幾有風味。