羅勒印度餐廳 (七姊妹道)

营业中

休息中

星期日下午2點黎到見到餐廳內都有唔少人，而且門口掛住米芝蓮推薦，甘相信唔會伏得去邊！一入門口已經聞到充滿香料味，真係急不及待想落單。馬莎拉羊呢個既醬會比較濃味，同埋食到有好少好少辣，但濃得嚟同羊肉都幾夾，因為本身羊肉都係重味既食物！椰奶咖喱蝦雖然見到外觀同上一個菜式差唔多都係好多醬，不過正如顏色所見係好唔一樣味道。呢個醬無馬莎拉甘濃，反而充滿椰奶既香味同埋甜味，咖喱唔會辣所以唔會搶左蝦既味道。我鐘意叫幾碟naan去玩埋啲醬一齊食，推薦大家一定要叫！香草滑燒雞上面碟碟都甘多醬汁既，當然想叫返啲干身少少既菜式，呢個燒雞份量都幾多，而且雞件大大舊食落啖啖肉！面頭個啲係香草碎，所以食落好滋味，仲有兩個醬跟配，如果點綠色呢個薄荷醬會有好清新既感覺。成餐最驚喜係印度既奶昔原來同平時個啲好唔一樣，而且仲見到有咸既奶昔！作為一個勇於嘗試既人梗係要試下，食落感覺似原咪YOGA加左盐，不過就濃左啲；至於芒果奶昔口感都係似YOGA，味道就正常發揮啦。