影片
更多
2021-08-21
2242 浏览
蘇山雞飯開左一段時間，舖位係由隔離港口味茶餐廳割出來。平日生意非常之好，門庭若市，今日行過居然無人，咁就試一試啦！選擇相當多，除咗海南雞飯，仲有椰漿飯、摻摻、“辣死你嗎”呢啲……小菜配搭款式眾多, 點單會好興奮，同埋帶點選擇困難症。例如加10蚊可以轉肉骨茶，但是重點的海南雞, 只屬合格,沒有同一條街間雞仔去骨海南雞好食，大有博而不精之感，老實講有啲失望。陣間會講下點解。首先讚下服務先，上菜速度極快，用QR code自己落完單之後，5分鐘左右已經上菜，速度驚人。侍應認識主動斟水，服務尚算殷勤。而且冇加一服務費。講下環境，新裝修光線明亮，但係部份嘅枱櫈不甚舒適，尤其我坐嘅位置張枱底部係正方形錐體，令到雙腳同腳板無處安放，座椅以極具有設計感的“直立鋼片”組合而成，坐落非常之硬。座位之間距離亦都好近，我可以清楚聽到哂隔離位講緊咩八卦。講下食物先，招牌嘅海南雞一上台就覺得有問題啦，目測已經唔對路，甩皮甩骨, 用啲芫荽嘗試去遮住佢。揭開會發現皮同肉唔單止分離，底部仲遮住大量既肥膏同雞皮。雖然雞肉嫩滑, 沒有滲血，但係皮厚肥油過多，十分之膩，質素唔算好好。作為自稱招牌菜，有啲失色。飯量都有得揀，揀
選擇相當多，除咗海南雞飯，仲有椰漿飯、摻摻、“辣死你嗎”呢啲……
小菜配搭款式眾多, 點單會好興奮，同埋帶點選擇困難症。例如加10蚊可以轉肉骨茶，但是重點的海南雞, 只屬合格,沒有同一條街間雞仔去骨海南雞好食，大有博而不精之感，老實講有啲失望。陣間會講下點解。
首先讚下服務先，上菜速度極快，用QR code自己落完單之後，5分鐘左右已經上菜，速度驚人。侍應認識主動斟水，服務尚算殷勤。而且冇加一服務費。
講下環境，新裝修光線明亮，但係部份嘅枱櫈不甚舒適，尤其我坐嘅位置張枱底部係正方形錐體，令到雙腳同腳板無處安放，座椅以極具有設計感的“直立鋼片”組合而成，坐落非常之硬。座位之間距離亦都好近，我可以清楚聽到哂隔離位講緊咩八卦。
講下食物先，招牌嘅海南雞一上台就覺得有問題啦，目測已經唔對路，甩皮甩骨, 用啲芫荽嘗試去遮住佢。揭開會發現皮同肉唔單止分離，底部仲遮住大量既肥膏同雞皮。
雖然雞肉嫩滑, 沒有滲血，但係皮厚肥油過多，十分之膩，質素唔算好好。作為自稱招牌菜，有啲失色。
飯量都有得揀，揀左“正常飯量”都頗多，建議女生可以揀少飯。
加10蚊轉嘅肉骨茶, 由色水以至味道都不合格，唔好話正唔正宗啦，只係一啲帶少少味既清湯，唔難食既，但同蘇媽蘇媽嗰啲差得遠。
另外加18蚊叫左個鮮油咖央多士，一來見到舊牛油好厚喎，直情嚇親隔離台的男士。
點知發現原來照騙黎既，揭開即刻“唓～”一聲。
半溶嘅牛油滴曬出來，多士都夠脆，但老實講，牛油蓋過晒咖央既味，邪惡得黎唔喺好match。同埋由於海南雞本身好油啦，再食咁多牛油更加膩呀，最後我兩邊都揀走咗啲肥油冇食晒。
總結
蘇山雞飯都算係區內比較有誠意既一間鋪，菜式配搭多，都唔驚揀唔啱。可惜招牌海南雞質素唔算好高，未足以成為招牌。同埋我今次嗌既幾樣野，不約而同都係失望嘅，佢每一樣菜式我都可以係區內搵到更好嘅代替品。博而不精，喺我食完最大嘅觀感。同埋我建議佢加啲解膩嘅小食，例如醃蘿蔔之類。
张贴
