Coti (沙咀道) (已結業)

Coti (沙咀道) (荃灣)荃灣沙咀道6號嘉達環球中心地舖喺南豐紗廠再行前少少隔離嗰條街，成條街最靚嘅大廈就係嘉達環球中心，地下有間Cafe，主要都係做附近返工同外賣，平日嘅晏晝唔算多人，當日去到好多外賣單，好多嘢都已經賣晒，職員好親切，見佢同啲顧客打招呼，又會記得人哋尋日嗌過啲咩，厲害。Set lunch 價錢為$100以內，意粉飯三文治都有，另外嘢飲唔使加錢。原條鰻魚炒滑蛋飯 $88蛋可以選擇炒蛋或者煎蛋，即叫即整，鰻魚好大條，滑蛋唔會好油，仲有好多沙律菜盤碟，營養又健康。咖啡選擇咗Dirty，不錯，性價比算高。其實地點都幾格sip，不過行開南豐紗廠，又諗唔到食咩，行多幾步就會搵到呢間嘢食，價錢實惠，都不錯㗎。