倫哥火鍋私房菜 (已結業)

今日同幾個朋友又過左來倫哥，食過甘多見火鍋放題，都係覺得哩間cp值最高。地方雖然屬於元朗，但都近地鐵，好易搵到。一坐低就上左幾個小菜：燜鮑魚拼花膠，蒜蓉粉絲蒸聖仔，蘿蔔粒，豆腐冷盤。值得一讚鮑魚拼花膠，好入味，而且好厚身，上台時候還熱辣辣。之後上左一盤刺身：有三文魚，帆立貝，大大隻甜蝦，北極貝，八爪魚（按人頭分類比，我地係4人，無得添）樣樣都好新鮮，唔似一般外面火鍋放題刺身通常好爛。之後上主角之一雞煲，份量剛剛好，叫左少辣，可以無限添。雞煲雞肉好彈牙有雞味，配上距地少辣配料一點都不覺得油膩。但我地無再添，因為還有主角二。之後主角之二火鍋，哩度會幫我地還鍋底，唔需要用多油雞煲加湯，我地叫左簡單清湯。香菜皮蛋豆腐，雖然是湯底，但都好足料。之後上左一個按人頭份量海鮮盤：蟹，蝦，斑片，聖子，魷魚，幾種貝類，除左蟹同聖子無得添外，其他都可以再添。哩度除左海鮮牛肉非常得，勁雪花，手切的，柔質好好、完全唔硬，好香牛肉味道，唔可以添，不過可以另外加錢再點。另外還有好多配菜都係任食：雜菜盤，黑色墨魚滑，蝦滑（入面真係有粒粒墨魚同蝦，推介食）炸魚皮，響鈴，蝦餃，韭菜餃，魚皮餃都好好味，還有其他丸丸同午餐肉