倫哥尊尚火鍋私房菜 (已結業)

坊間放題打邊爐不嬲都質素麻麻 勝在可以任食又平 但如果講到又要食物質素好食又要可以任食 我覺得倫哥真係算好出色～基本上我同朋友坐低之後揀左個雞煲要幾多辣 所有其他野食基本上自動波送上黎 先食雞煲 超惹咪 唔食得太辣 但都覺得好滋味～ 之後就揀湯底打邊爐 揀左豬骨湯 有好大舊豬骨同栗米 先自動波黎左個海鮮 超吸引 我超推介蟹 多膏又清甜～再黎既牛肉更加係高質 所以只限一set再加要另外比錢 放題既野食好多得揀 我自己就大推手打墨魚膠同水餃 好好味 基本上佢任食果d野都會自動波黎一set 已經好飽了 放題咁既質素好滿足