影片
更多
2019-05-28
122 浏览
銅鑼灣備場日本燒烤，一個人唔知食乜，諗起之前朋友曾經帶過我嚟，啲午餐燒烤都唔錯，所以今日對自己好啲，整返個靚靚嘅午飯。燒青魚餐 $128，啲青魚燒得皮脆，肉都算嫩滑，唔會乾猛猛，有啲肉汁，吱埋幾滴檸檬汁，有提鮮去腥效果。套餐仲包三串燒烤，點一串雞翼釀明太子雞翼燒到，香香脆脆，明太子亦冇實啤啤，去埋骨，啖啖肉，正，另外仲有日本小甜薯，幾香甜。最後係荔枝豬肉串，估唔到啲味道有幾夾，好味。最後餐飲點咗個有趣嘅乳酸梳打，酸酸甜甜咁，味道的確怪怪地。下次都係點返啲正常檸茶咖啡穩陣啲。整體保持到水準，怪不得可以維持咁耐。下次真係要提早兩日定位，哈哈!
张贴
