美孚。友樂鮨 (已搬遷) 新店位置

聖誕大餐😌午餐omakase~性價比高，對美孚都有咁吸引嘅廚師發辦。❁ 前菜胡麻醬沙律蔬菜好甜好爽脆，仲有菠菜蟹柳、小女子魚干。茶碗蒸好香蛋味又好滑溜，入面有粟米心、鳴門卷、冬菇。❁ 刺身仿忽魚味道較淡，加上柚子皮、酸汁。活赤貝😃有3片大大片，鮮甜。火炙拖羅😘真係好吸引，火炙燒過嘅拖羅油脂滴晒出嚟，入邊有紫蘇葉，所以食落去好香口，同時中和一下油脂。外層嘅紫菜脆卜卜，形成強烈對比。❁ 壽司七貫鮮帶子:非常之厚身加咗少少竹炭鹽調味鮮北寄貝:咬落爽爽地深海池魚 :油脂豐富牡丹蝦 :上面加咗好多蝦膏蝦子☺️鮮甜銀雪魚 : 銀鱈魚刺身會超級肥，所以好香口鰤魚: 口感豐盈脂肪多鯖魚: 非常正，經火炙所以暖，紫菜脆同軟滑魚肉形成對比😁❁ 碎蔥拖羅、海膽、三文魚籽刺身丼三樣配料都勁豐富😍😍😍三文魚子多到瀉，海膽食落去好鮮甜，唔會有腥味，回甘。啲紫菜仲要脆卜卜勁香。❁ 甜品宇治抹茶蕨餅如果唔想食咁飽都可以叫定食，推介壽司十貫，有omakase嘅感覺🤓😝 帆立貝、活赤背、蜜柑鯛、深海池魚、金目鯛、海膽、甜蝦、左口魚邊。全部都係靚魚，而且可以見到師傅即場整，最後仲有烏冬同甜品，好抵食。