更多
2022-09-14
1451 浏览
约咗位老死食晏，要佢专登过嚟港岛区，所以，食好少少拣咗晌金钟太古广场嘅「Apinara」，主打正宗泰国菜，更喺连续多年获选为泰国曼谷最佳食府，心谂够稳阵，加上地点佢同我都就脚。午市过到嚟，都真喺几人山人海，完全唔觉依家新冠喺日日有过万宗确诊，完全喺疫下新常态。其实餐厅都几大，好似横跨几个铺位咁，装修摩登而有格调。不过，我哋想快啲入座，所以，唔介意坐吧枱，其实，吧位𠮶边有啲自成一角，感觉仲阔落。午市人流旺，出餐要快，主打就梗喺套餐，一共8款选择，包餐汤、精选沙律、小食、甜品及指定餐茶，定价$180-$200。此外，仲有啲加配嘅升级优惠同泰式特饮。反转背面，就喺散点餐牌，包括前菜、汤品、主食、饭面、甜品……等等，当然，以午餐嘅组合喺相宜啲，我哋亦简简单单叫两份午餐，配杯泰式特饮。泰式卤水猪手配白饭 $180老友谂住呢款喺每日限量，所以，就睇啱佢，咪讲笑，睇落比餐牌相片仲要多，大大堆猪手肉，加上卤豆腐、溏心卤蛋、泰式咸菜，再加埋餐汤、配菜，可谓分量十足。餐汤佢就拣冬阴功，睇色泽就好对办，饮过先知坚定流，佢话味道好浓厚，辣度温和，带微微酸同少少香料味，饮落颇为开胃，而里面嘅虾肉亦都又大又鲜，整
午市过到嚟，都真喺几人山人海，完全唔觉依家新冠喺日日有过万宗确诊，完全喺疫下新常态。其实餐厅都几大，好似横跨几个铺位咁，装修摩登而有格调。不过，我哋想快啲入座，所以，唔介意坐吧枱，其实，吧位𠮶边有啲自成一角，感觉仲阔落。
午市人流旺，出餐要快，主打就梗喺套餐，一共8款选择，包餐汤、精选沙律、小食、甜品及指定餐茶，定价$180-$200。此外，仲有啲加配嘅升级优惠同泰式特饮。
反转背面，就喺散点餐牌，包括前菜、汤品、主食、饭面、甜品……等等，当然，以午餐嘅组合喺相宜啲，我哋亦简简单单叫两份午餐，配杯泰式特饮。
泰式卤水猪手配白饭 $180老友谂住呢款喺每日限量，所以，就睇啱佢，咪讲笑，睇落比餐牌相片仲要多，大大堆猪手肉，加上卤豆腐、溏心卤蛋、泰式咸菜，再加埋餐汤、配菜，可谓分量十足。
餐汤佢就拣冬阴功，睇色泽就好对办，饮过先知坚定流，佢话味道好浓厚，辣度温和，带微微酸同少少香料味，饮落颇为开胃，而里面嘅虾肉亦都又大又鲜，整体嚟讲，真喺唔错。
啲猪手又点呢？小弟都试咗嚿，拣咗件连皮嘅，入口肉质确喺超松化，皮下脂肪食落又唔觉好油腻，骨胶原强劲，沾上自家制辣酱，更显惹味；佢仲话卤豆腐、卤蛋都好入味，加上只蛋有溏心效果，自然可以再加啲分。
黄咖喱鸡配白饭 $180无论黄咖喱、青咖喱、红咖喱，泰式咖喱一向有卖点，小弟都算算哋喺食肉兽，所以，选上黄咖喱鸡饭，同埋，呢一款亦喺店家嘅推介菜式。同样地，配啲餐汤、小食、甜品，整份餐都显得好丰富。
泰式椰子鸡汤印象中都好似好少饮，入口果然渗出清甜嘅椰子香味，感觉又好似滑滑哋，捞一捞，汤内仲有好多鸡肉同草菇，又几唔错㖞。
原来睇餐牌，就话喺精选沙律及小食，依家睇落一个似喺炸菜包及泰式肉碎，前者食落我就觉得好似食紧春卷，好香脆；而后者，唔知点为只正确，我就捞落啲饭度拌匀食，哈哈！
讲到个黄咖喱，真喺几香，唔多辣，啱晒我，捞饭食就当然一流，而鸡肉沾满咖喱汁，就梗喺浓香惹味，再者，啲鸡肉够嫩滑，一口饭，就一口鸡肉，好味。此外，仲伴有啲青瓜同青豆，可以作为间场食一食。
甜品喺细细兜嘅芒果西米露，老实讲，惊喜就无咩惊喜架啦，平平稳稳咁啦，当喺餐后有啲甜品。
冻泰式咖啡 +$18、龙眼班兰蜜 +$18因为餐饮得一款指定嘅茶饮，所以，我哋不约而同改咗试啲泰式特饮。老友杯咖啡一嚟到即刻啜咗啖，都影唔切，佢就话唔错，几醇厚。而小弟一向都喜欢龙眼冰，呢一杯就用咗班兰蜜开冲，阵甜味几纯香自然，不过，班兰味就唔算话好突出，另外，龙眼喺新鲜货，但就真喺得好少啫。
真喺一排无见，原来老死打算转工，仲有份心水工已经喺去到第二轮面试，呢餐饭就祝贺佢转工成功，第时稳定啲可以多啲出嚟一齐行山、踩单车。
张贴
