鳥棲日本料理

营业中

休息中

观塘真系一个好多美食嘅地方，每个月都差不多有新嘅店舖，今日午餐去到骆驼漆大厦觅食—鸟栖日本料理。餐厅内里装修简约，灯光柔和，我地被安排坐梳化位非常舒适，另外入面有个半开放嘅厨房，客人可以睇到厨房内嘅情况。午餐以定食为主，我同朋友选择咗七味牛肉豆腐锅定食及蒲烧鳗鱼定食，饮品就加钱要咗手调咖啡，我地两个都拣咗热及冻嘅玫瑰咖啡。定食包括咗一份新鲜沙律，一碗面豉汤同饮品。原条蒲烧鳗鱼定食原条鳗鱼份量足，味道带点焦香，食落鱼肉嫩滑，皮脂算肥美，而且少骨（可以讲系食唔到有骨）但因定食关系，鱼和饭系分开放，所以酱汁系加系鳗鱼上，较难用来拌饭，但胜在鳗鱼好味，所以唔差。七味牛肉豆腐锅定食感觉好似日式家庭料理，豆腐滑溜，牛肉及豆腐渗透晒汤汁好入味，而且有一丁点辣好惹味，用汤汁送饭非常一流。最惊喜嘅系玫瑰咖啡，饮起嚟带有淡淡的玫瑰花香味，软绵的奶泡上撒上玫瑰花瓣作点缀，热饮拉花好靓亦有玫瑰花瓣点缀。提提大家，餐厅有提供bb櫈（供应有限）而且几靓，非常适合小朋友一同用餐。