藏 (已結業)

銅鑼灣真係好多美食，今次又搵到間優質日本料理，午間精緻壽司套餐$360，有10件壽司加手卷，價錢中等，質素頗佳。其他種類的套餐都有，例如天婦羅、刺身、熟食等等。先來一客茶碗蒸及沙律，滑滑的雞蛋，新鮮的菜蔬，好refreshing!10件壽司以2次上檯，第一輪壽司有：拖羅、鯛魚、深海池魚、甜蝦、新鮮銀鱈魚、鰤魚，師傅精選，果然不時不食，冬天特別多鮮魚！第二輪有：右口魚邊包紫菜、帆立貝、赤身醬油漬及海膽，每件壽司都精緻美味，而且由淡到濃味，上次次序恰到好處。特別一提係伴碟的薑加入柚子，好清新。手卷有蔥拖羅蓉手卷，魚油充滿在口腔內，好味。餐後有麵豉湯。甜品有布甸或雪糕。