牛壹台食 (已結業)

有日喺對面街食嘢，見到呢間好多人排，睇埋呢度，咁多好評，一於約朋友試吓。我叫咗麻辣鴨血轉刀削麵。先講鴨血，一夾就散，食落口，同食過嘅咁多鴨血有好大分別。刀削麵份量好少，少到我食咗兩啖就無。而且煮到好爛，無乜口感。豆腐唔錯，好入味。朋友叫嘅紅燒牛肉刀削麵，一致都係話個麵唔得。嘢飲係跟埋個餐一齊叫，但上餐時又調到亂曬。嚟咗一杯另一杯又好耐唔見。午市好似限時45分鐘，夠鐘店員會催唔使驚會食過龍。不過好彩我哋食物算上到快，唔似隔離枱，早過我哋落單就我哋食完佢哋先上齊。