勝八居酒屋 (已結業)

今日約咗舊同事黎銅鑼灣食飯叙舊，同事話想食日本菜 ，介紹呢間居酒屋。 上到黎，燈光暗暗，幾有情調。午市餐牌由$88至$188，包 沙律，前菜，湯及甜品。盛八便當$168: 內容十分豐富，包括刺身，炸雞，日式牛肉，鹽燒鯖魚， 蟹肉蟹子豆腐，有熱有凍，岩晒我口味。另外仲有一碗鵝肝飯， 鵝肝煎得好香，呢個便當有咁多款野，好抵食!刺身 有三文魚，甜蝦，帶子。樣樣都好新鮮，入口一啲唔會腥，帶子入口十分爽甜。我特別喜愛蟹膏蟹子豆腐，香濃嘅蟹膏配冰凍豆腐，入口融為一體，正! 碎蔥吞拿魚海膽飯 $138 吞拿魚蓉好有口感，海膽鮮甜，份量亦夠多~ 最後仲有紅豆和綠茶雪糕~下次要黎試下午餐二選一先~