影片
更多
2022-12-13
36 浏览
二訪麻辣風雲🌶 之前喺麻辣風雲食過dinner覺得幾唔錯，咁啱朋友想食啲重口味嘢，就帶佢去麻辣風雲食lunch，試吓有咩唔同😛 🌃 環境 (4/5)今次都係去返就近嘅銅鑼灣店，地鐵站C出口斜對面就係，夠曬方便😚 相比起平日夜晚，星期6下晝去人唔算超多，可以坐到卡位😆 同埋呢度嘅抽風系統真心唔錯，嚟咗兩次都無聞到好大陣油煙味，唔洗驚食完成陣味👍🏻😋 食物 (4.5/5)🍜 砂鍋螺螄粉 $48 （另加腩肉$8/ 鴨血$12/ 炸蛋$12）🐟 午市酸菜魚 配客飯 $88🍞 炸饅頭 小食追加+$36🍗 惹味雞軟骨 小食追加+$38🌼 菊花蜜/ 洛神花茶 跟餐+$18唔知你地鍾唔鍾意食螺螄粉？😆 螺螄粉同榴槤一樣，接受到嘅人就好鍾意，接受唔到嘅就一啖都食唔落🤪 我個人覺得陣味都幾特別唔算好臭，去到見到佢哋新出咗砂鍋螺螄粉就一於試吓😛 唔好睇佢個鍋唔算好大，其實裏面勁足料🔥 螺螄粉入面有酸竹荀，木耳絲，鹹菜脯，花生等等嘅配料，香味十足🍜 湯底酸酸辣辣，明顯食到螺螄粉特有嘅酸荀味👅 不過都食得出餐廳有因應香港人嘅接受程度調教過個湯底，味道唔算難入口，如果未試過又好奇嘅可以一試😆 我另外有再加腩肉，鴨
🌃 環境 (4/5)
今次都係去返就近嘅銅鑼灣店，地鐵站C出口斜對面就係，夠曬方便😚 相比起平日夜晚，星期6下晝去人唔算超多，可以坐到卡位😆 同埋呢度嘅抽風系統真心唔錯，嚟咗兩次都無聞到好大陣油煙味，唔洗驚食完成陣味👍🏻
😋 食物 (4.5/5)
🍜 砂鍋螺螄粉 $48
（另加腩肉$8/ 鴨血$12/ 炸蛋$12）
🐟 午市酸菜魚 配客飯 $88
🍞 炸饅頭 小食追加+$36
🍗 惹味雞軟骨 小食追加+$38
🌼 菊花蜜/ 洛神花茶 跟餐+$18
唔知你地鍾唔鍾意食螺螄粉？😆 螺螄粉同榴槤一樣，接受到嘅人就好鍾意，接受唔到嘅就一啖都食唔落🤪 我個人覺得陣味都幾特別唔算好臭，去到見到佢哋新出咗砂鍋螺螄粉就一於試吓😛
唔好睇佢個鍋唔算好大，其實裏面勁足料🔥 螺螄粉入面有酸竹荀，木耳絲，鹹菜脯，花生等等嘅配料，香味十足🍜 湯底酸酸辣辣，明顯食到螺螄粉特有嘅酸荀味👅 不過都食得出餐廳有因應香港人嘅接受程度調教過個湯底，味道唔算難入口，如果未試過又好奇嘅可以一試😆
我另外有再加腩肉，鴨血同炸蛋🍳 炸蛋係成塊咁上，就咁食味道較淡，可以配埋湯底同米粉一齊食🍳 因為煲螺螄粉分量超多，食食吓會啲粉吸曬啲湯，如果湯再多啲就好啦😗
朋友話想試酸菜魚，本身以為午市酸菜魚係細份嘅lunch size，點知連lunch都咁大盤🐟 酸菜魚唔會死鹹或死辣，食落夠酸夠香🔥 魚片超多，底下仲有萵筍，菇同寬粉做配料🤩 午市套餐仲跟埋個客飯，呢盤真心兩個女仔share都得🤰🏻
我哋另外仲追加咗小食😋 必食炸饅頭🍞 饅頭炸到外脆內軟，配埋香甜嘅煉奶真係食到舔舔脷😛 麻辣雞軟骨好入味，麻辣味香而不嗆，一粒接一粒食唔停口🥰
食啲咁重口味嘅嘢當然要飲返啲refreshing嘅嘢飲下火啦😚 我哋分別叫咗菊花蜜同洛神花茶🌼 兩款特飲都一埕咁上，夠曬特別，打卡一流❣️ 菊花蜜清甜潤喉，洛神花茶酸甜解膩，正啊❤️
💰 價錢 (5/5)
Average price $140/pp
我哋lunch嗌到好似dinner咁都只係每人百幾蚊，仲要喺港島區，真係好抵食🤣 朋友食完都話無介紹錯，一大班朋友黎就更推薦👍🏻
张贴
