加藤壽司 (已結業)

之前食過加藤晚市，令我驚喜的是天婦羅，蔬果味道新鮮味甜，不是周圍容易食到。今次終於可以試到午市，快d 上個燒銀雪魚定食先。先講前菜有兩碟，一碟酸蘿蔔加一碟麻醬藕片。蘿蔔都新鮮多汁，不會好乾。但味道無咩突破，反而果碟麻醬藕片，切得好薄，藕片又好爽，食落索索聲，最重要個醬汁，係以麻酱為主調，但我覺得師傅調得個味甜d 同無咁結，胃口大開，令我好滿意。再講下個湯，三條豆卜，味道算濃郁，但少左驚喜，ok la !主菜黎勒，不得不讚下份燒銀鱈魚，主廚用左甜燒汁，火喉剛剛好，不會燒得乾，保留了魚的肉汁和甘香油份，令到魚的質地彈牙，魚肉可伴以沙律醬來食。為左想試魚的原味，未有伴以沙律醬食。但食左超過半份後，因為甜燒汁關係，開始有d 漏，最後會伴以沙拉醬，成份食曬！最後當然係雪糕上場，今次我食芝麻味，雪糕不會好甜，一般芝麻味道，但加藤的雪糕值得一讚的係個質地，當匙根忽落雪糕去，你會發現係帶有韌度的一球雪糕，感覺趣緻。入到店鋪，你會發現有雙語服務。日文和廣東話，兩種語言相較之下，曰文的語氣語調溫柔多了，可惜我不懂日文。店舖環境舒適，純樸古色格調，輕鬆，relax !