井上日本料理 (已結業)

近幾年，元朗開始愈來愈繁榮，大商場一個接一個咁開，想食平民價位的餐廳就要行多兩步。剛巧見到一間係路邊的日本餐廳，空間頗大，只係店內音樂係播流行音樂，會覺得似係港式日本餐廳。到達既時候係做緊午市，當然食午市定食。日式牛肉鍋正如上圖所示，一上枱真係幾震撼，賣相好吸引，心諗$60幾蚊就食到，當然價錢OK，都要擺入口細味啦。牛肉鍋湯底偏甜，而且幾多粉絲係底，豆腐都有幾舊，因為都幾熱，需要夾落碗飯度食。飯唔肯定用咩米，但幾好食，唔似一般餐廳落太多水煮/煮得多，d飯會爛。