河內越式湯粉 (已結業)

星期日一家大細行開尖咀附近，係重慶運動城行到餓餓地，見到間越南湯粉，老婆大人話好耐無食越南檬粉，話入去試下。入到去，環境好新淨，座位亦好闊落。我叫左個生牛肉湯河，賣相好靚，份量好多，大大碗，個湯夠濃👍🏻。老婆叫左個雞翼撈檬，一樣大大碗。越式春卷新鮮炸起，香脆可口😋，仲有青木瓜沙律，同樣好睇好食。見到隔離台叫左個火車頭，超大碗，2個人都應該食唔曬。難得搵到間咁有誠意既越南湯粉，下次一定同老婆再黎試下。