夢の丼 (已結業)

今日同朋友返完HKU， 就落左去電車路附近搵野食～行過見到呢間門面靚靚既日本餐廳，就入去試下🤩食環境餐廳入邊好大，環境寬敞；盡頭係壽司枱；設計係以木為主～配上柔光～我同朋友獲安排坐4人枱，坐得好舒適～😋食美食餐廳有晚餐，亦有丼飯、刺身、壽司，好多選擇！咩都想試，心大心細🐟深海池魚刺身 深海池魚厚切，肉質爽實， 滲出淡淡油脂及鮮甜～🐟真鯛刺身真鯛本身肉質結實彈牙，經火炙後魚油更添嫩滑口感，魚香豐腴🍣右口魚邊壽司呢個壽司十分驚豔；左口魚就食得多右口魚好少食到～右口魚肉質比左口魚更加滑溜；因為魚邊位置，油脂豐富，火炙後啲油融入晒啲飯，濃郁甘香🍚夢之丼來夢之丼梗係要食夢之丼，呢個丼有牡丹蝦、海膽、三文魚子、右口魚邊、蟹肉、帆立貝同炙燒三文魚，超足料！值得一讚係個飯，酸味同口感剛剛好；飯仲配有橙醋，好特別 （同帆立貝特別夾！）🍚花錦魚生丼呢個雜錦粒粒魚生丼，最特別係佢嘅蟹膏豆腐，超濃蟹味！飯面仲有醬油漬蛋，撈埋一齊食，滑一滑又有蛋香！🐚磯燒帆立貝帆立貝大大粒，肉質結實，係一絲絲肉~味道鮮甜~仲可以用紫菜包住食~🐚 柔煮鮑魚柔煮鮑魚係用高湯浸煮，鮑魚更為鮮甜味，彈牙有口感！十分滿意的晚餐！🥰