金裝燉奶佬餐廳 (美孚新邨)

叫咗個蔥油豬排煎蛋飯同瑞士汁雞肶煎蛋飯
個雞肶飯隻雞肶有少少柴但算大隻 啲菜似煮好咗放咗好耐 基本上放入口唔使咬就會溶咗喺口😹 啲飯嘅份量算多夠一個成年男性食飽 但對女仔嚟講應該就太多 雖然煎蛋其實冇咩好講 但個飯最好食就係隻太陽蛋 個豬排飯 塊豬排都算大塊 肉質算淋 唔會話好柴 但就偏多肥肉 個蔥油冇咩味 但由於個豬排本身有味所以唔會話太淡 菜同飯一樣就唔講多次
但其實個飯連埋杯凍檸茶先45蚊 呢個價錢食得飽已經冇咩好挑剔 就正如標題所講一般嘅茶記碟頭飯

雞肶煎蛋飯

$45