十二味麻辣小當家 (已結業)

機緣巧合，終於有機會在 十二味麻辣小當家 嚐試到四川麻辣香鍋。過左中午時段，依然客似雲來，有好多遊客光顧。餐牌設計大大張，主打香鍋及其配料，另有小食涼菜、經典川菜，甚至甜品均有選擇。香鍋有經典麻辣/秘網醬香選擇，做為川辣愛好者，當然選擇前者，但又怕正宗辣食品落，所以選擇小辣。配料需要最少選五款-雞胸肉、牛百葉、萵筍、豆皮、寬粉。 四周佈滿麻香味，當店員捧上香鍋，熱辣辣又香噴噴，香鍋分量足夠兩人食用。牛百葉爽脆彈牙，萵筍新鮮爽口，豆皮好少有得食，好懷念這口感。香鍋麻味和辣味均好足料，好出味，所以各位叫豆漿&可樂解解辣。友人另叫左 酸菜魚 大大盤，魚片新鮮彈牙，內有雞脾菇等配料。我地選擇辣味，但又唔會蓋過酸菜原有味道。