肉骨皇 (已結業)

行開附近諗住搵一啲特色小店， 咁啱發現呢間以肉骨茶為名嘅小店。喺門外見到仲有午餐優惠，就一於食呢一間。餐廳位置都好闊落，而且好乾淨！老闆娘都好有禮貌而且好好款待！我叫咗呢一個招牌肉骨茶餐，加埋嘢飲都唔使$70！分量幾多，裏邊唔單止有排骨、豆卜、金菇仲有杞子，浸係肉骨茶湯，天氣凍，食完個胃暖粒粒！肉骨茶嘅味道唔會好濃， 啱晒唔食得重口味嘅朋友。配埋白飯食唔錯！再加$15就有多兩串沙嗲價錢都幾抵，唔使好多滿足下味蕾！