振興肉丸

营业中

休息中

因為疫情嘅關係我哋都好耐冇去過餐廳食嘢， 呢日放工喺大埔墟經過一間馳名大埔嘅肉丸店， 就入去買咗幾包肉丸返屋企食， 店舖而家裝修好光猛 ，感覺好乾淨， 除咗肉丸之外仲有其他凍肉和 醬料等。蟹籽包心丸 ，香菇貢丸四包丸我都分開咗三次嚟煮， 呢日淥麵用咗紫菜豆腐湯底， 然後再加呢兩款丸， 蟹籽包心丸 同平時喺出面買到嘅有點不同， 外層嘅魚蛋比較有彈性， 蟹子餡都夠香。 香菇丸咬落爽脆， 唔會死實實， 都幾濃嘅香菇味。仿龍蝦丸呢排日日煮飯， 諗食乜餸都諗到頭大， 呢日索性攞包仿龍蝦丸嚟氣炸， 簡簡單單又多個餸， 龍蝦丸咬落彈牙。牛骨濃牛丸四款入面呢款肉丸我覺得最好食， 牛丸咬落除咗夠爽之外， 牛味十足令你覺得好似唔係食緊肉丸嘅味道， 有啲似食緊高級放題嘅靚牛肉嘅味道。