養和醫院餐廳

養和餐廳一向口碑不錯，今日適逢入院檢查所以可以一試遠近馳名嘅煲仔飯。

我哋叫左鮑魚滑雞煲仔飯，呢個係帶骨嘅，如果唔鍾意食骨嘅可以叫雞球煲仔飯。鮑魚偏細，無咩驚喜，反而滑雞更出色。煲仔飯嘅飯粒夠碎，同街外嘅飯不同，煲底全是飯焦，非常香口惹味。另外要留意落單時間，我足足等左一個半小時，大家要預早落單😅

晚餐叫了燒鵝貴妃雞雙拼飯，燒鵝厚實，不油膩，不過不失，反而貴妃雞嫩滑，十分出色。白飯配上薑葱蓉，十分滿足。

總結餐廳嘅雞類比較出色，無可厚非價錢係偏貴但食物質素不錯，感覺物有所值🙂

1

鮑魚滑雞煲仔飯