迦米泰式小食 (已搬遷) 新店位置

每次都特登去北角食呢間泰國菜，地道泰菜好味又價錢吸引，店內只有2張二人枱及1張四人枱，所以要等位，外賣單都好多，好受歡迎。豬、雞肉串燒 好沙嗲汁係靈魂，超級無敵好味，豬同雞肉都醃得入味，燒到好香口，沾沙嗲汁好正，有好多香料味，仲有椰香，好泰式。菠蘿雞肉炒飯用新鮮菠蘿肉，唔太多汁，但好岩炒飯，口感會乾爽d，炒飯加肉鬆更香，份量都大碟。炒通菜 少辣都好辣呀，食完出哂汁，但好香好惹味，食唔停口，通菜好爽脆。芒果糯米飯 芒果好香甜，果肉結實口感好，糯米飯上的椰奶調味，咸咸甜甜好泰式，令人掛念的泰式甜品。青檸梳打好有泰國風味，青檸夠酸，加入梳打水，好清爽，揀左加糖，好好飲。