水晶晶泰國餐廳 (已結業)

今晚放工去北角找男友，突然又想食泰國菜，咁岩俾我地係open rice 搵到依間泰國餐廳，就特意過來試試。 　我地點了炭燒豬頸肉、泰式蛋包飯、泰式炒通菜、蟹肉炒粉絲，基本上都是我地鍾意食既泰菜。上菜速度唔算快，等了大概15分鐘終於有得食啦！ 我男友最愛的炭燒豬頸肉，果然無令我地失望，份量多，燒得好香好脆，厚薄適中，唔似普通餐廳整既豬頸肉咁又厚又硬，唔洗點汁已經好好味啦！ 泰式炒通菜真心正，平時係屋企好難炒到，好香好夠爐氣，撈埋蒜蓉粒一齊食好好味 泰式蛋包飯一樣無令我失望，份量多，個飯炒得好入味，配料有青椒、蕃茄、蝦等，好有口感。反而蟹肉炒粉絲麻麻地，粉絲炒到好乾，食到一半已經唔太想食，幸好蟹肉夠新鮮，加埋其他配料蛋、菜、蔥一齊食口感唔錯。最後當然是甜品時間～泰式糕點，食落口好煙韌，唔會太甜。 紅色係士多啤利味，黃色係芒果味，白色係椰汁味。最好味是芒果，下次食一定食芒果味！