牛角次男坊 (東薈城名店倉) (已結業)

離到大嶼山既東涌！呢個好似係我第一個大嶼山嘅食評！大嶼山有牛！東涌都有牛肉飯，至於啲牛就一定唔係大嶼山嗰啲牛啦！牛肉都係空運到港嘅🤣🤣！笑就講完啦！咁呢間餐廳唔係第一次幫襯嘅！食過兩三次㗎啦！每次都係滿意嘅！今次都唔例外！但仍然都仲有進步嘅空間！希望餐廳唔好驕傲呀！今次叫咗個牛舌飯！嗰啲牛舌再生少少就會更加好啦！因為咁樣會更加容易食到牛嘅味道！飯嘅都係足夠嘅！唔會太多唔會太少！而且都幾多塊牛舌！仲有個麵豉湯飲添！味道都係正正常常！亦唔算太鹹！用消費券俾錢，唔使加錢！ Very good! 服務就比較普通啲、算係半自助既餐廳！先買飛，再找位置！員工們都有禮貌嘅！可以合格呀！下次嚟東涌！可以嚟試吓啦！記住大嶼山係有牛，但係餐廳係唔會用大嶼山嘅嚟整㗎🤣🤣！