北京樓 (MOKO新世紀廣場)

今晚同朋友去咗旺角新世紀廣場嘅北京樓食晚餐，裝修好靚好舒服，不過我哋坐嗰個位冷氣直吹，好彩店員好快幫我哋校細咗個風，抵讚！

片皮鴨
鴨皮脆卜卜，鴨肉鮮嫩多汁，夾埋京蔥同青瓜食，一啲都唔濟。份量十足，四個人食都夠晒！

雞絲粉皮
麻醬香濃，粉皮爽滑，雞絲嫩滑，份量夠大，好抵食！

醬肉炒飯
炒得乾身，粒粒分明，醬肉鹹香惹味，多料又夠鑊氣，正！

高力豆沙
外表大大粒，但入面嘅豆沙餡唔算多，有啲失色，不過味道都算OK。

整體嚟講，食物質素唔錯，服務又快，值得再嚟！👍🏻