Sake Bar CHU CHU

Sake Chu Chu🌟位於銅鑼灣既Sake Bar，超方便既地點，好有氣氛既裝修，見個大到爆既清酒櫃🍶仲有枝枝都可以拎出黎開⼀杯😳勁吸晴，唎酒師駐場配酒，先黎個Welcoming drink，木花之釀造所既大人の果實酒，香甜桃味，另一杯同⼀酒造既，酒體再厚啲，正👍🏻

6

木花之釀造所清酒

刺身兩點盛，帆立貝鮮甜，牡丹蝦大隻又濃味🤞🏻日本生蠔，加蟹籽酸汁既日式食法，好fresh好味😋壺燒榮螺，鰹魚海帶湯汁，好鮮既原味道🥳自家製雞白湯超濃雞味，飲住酒食，花邑酒未來純米吟釀，非常香甜既薰酒，濃香果味🍍翔空澄酒，香味旨味平衡，配和食唔錯

日本生蠔

壺燒榮螺

花邑酒未來純米吟釀

串燒時間🍢厚切牛舌，超大塊，多汁爆牛味😙燒白鱔，個皮好脆好有焦香，肉質爽身又鮮👍🏻鮮雞做既串燒，難得😮‍💨雞頸肉，肉質好彈牙，又嫩，雞胸軟骨，真係必食，口感特別又入味👏🏻雞髀肉，啖啖肉，鮮雞肉即刻提升晒，配酒🍷大信州槽場生酒，酒精感幾濃，配食啱晒，倉本純米酒，米味幾香，配濃味串燒正🌟

串燒

厚切牛舌

燒白鱔

燒馬友一夜干，size驚人，非常好味，今晚既冠軍🏆送酒⼀流，必必必食，配睡龍大和特別純米酒，米旨味濃，口感夠醇，同條魚好夾🤤極高質既Sake Bar，食物仲要好正👍🏻好值得推介有實力既Sake體驗🩵

燒馬友一夜干

睡龍大和特別純米酒