金利來

主角母親大人指明要食海鮮餐，見到團購好似幾抵食，甘就買左4位啦。之後按指示係whatsapp度預約啦，其中我指明要龍躉，但老闆話要睇供應，未必有得俾我。我表示希望留到條龍躉俾我啦，因母親大人對青斑麻麻地。之後上open rice睇睇呢間野，嘩，d人對團購餐惡評如潮，心諗大檸樂，要中伏啦，但仔細一看，都係上年同前年既評語，心諗海鮮都要睇時節同貨源供應既，可能甘岩個期d海鮮唔靚啦 (自我安慰 >.<" )。
今日去食飯，見阿媽慢吞吞遲到，又見之前d人評價話唔齊人唔俾入座，心想不妙，點知今日店員並無野講，唔齊人照俾位，服務態度殷勤，並不似之前d人評價甘差！今日既海鮮極新鮮，味道一流，父母出名嘴刁都今日由第一道菜讚到尾。我自己都經常食海鮮，昨天更去完南丫島食，但都無今日呢餐甘好味，今日呢餐真係超水準之作！食材新鮮，份量足，煮好即上枱夠熱(海鮮係要夠熱先好食，不然會腥的)！一字既之曰:"正"！
老闆亦非常上心，特登留左龍躉俾我地，實在不得不讚！
十個餸真係好飽，但味道真係難得的好味，所以全家都食清光，脹著肚皮離去！

生炒糥米飯

芝士焗波士頓龍蝦伊麵底

1

鼓油王煎中蝦

清蒸花尾龍躉

椒鹽賴尿蝦

蠔油生菜

清蒸爆羔奄仔蟹

蒜蓉粉絲蒸大元貝

清蒸新鮮鮑魚

秘制海鮮湯