影片
更多
2017-03-14
131 浏览
之前同事介紹過呢間社企餐廳，一直想黎試下，今日終於有機會喇！餐廳響觀塘區工廈，黎之前已經book定位，門口見到有「甜蜜下午茶」任食甜品套餐，好似好吸引，下次一定要試下！餐廳嘅裝修比較簡單，燈光好warm好柔和，雖然地方唔大，但座位同餐檯都好闊落，坐得都幾舒服。呢度套餐有主菜、餐飲同餐湯，牛扒係我至愛，店員就推介我食今日特餐：美國安格斯牛扒，朋友叫左份西班牙黑毛豬豬鞍架配蜜糖蘋果汁，我地仲叫左黑松露蜜糖雞翼。好快店員就送上麵包，麵包好香蒜蓉味，而且好鬆軟。黑松露蜜糖雞翼，雞翼煎得好香口，黑松露香味加上蜜糖甜甜地，幾惹味。之後餐湯亦都送到，餐湯應該係蘑菇湯，有濃濃嘅蘑菇味，幾好飲。我嘅安格斯牛扒送上黎嘅時候，我真係嚇左一跳，哇，竟然咁大塊牛扒，唔止面積大，牛扒仲非常厚身，份量十足，旁邊仲有多塊薯格同埋配菜，呢個套餐真係好豐富！五成熟嘅安格斯牛扒真係啱啱好，肉質鮮嫩，配上醬汁，好食得黎仲唔膩！朋友嘅黑毛豬豬鞍架亦都唔錯，黑毛豬肉質軟嫩，配上蜜糖蘋果汁，味道幾特別。兩個套餐都唔錯同好大份，呢度環景幾舒適，我地可以邊食邊傾下計，慢慢品嚐美食，雖然食到好飽，但點可以唔食甜品呢，精選甜品只係加$12
餐廳響觀塘區工廈，黎之前已經book定位，門口見到有「甜蜜下午茶」任食甜品套餐，好似好吸引，下次一定要試下！
餐廳嘅裝修比較簡單，燈光好warm好柔和，雖然地方唔大，但座位同餐檯都好闊落，坐得都幾舒服。
呢度套餐有主菜、餐飲同餐湯，牛扒係我至愛，店員就推介我食今日特餐：美國安格斯牛扒，朋友叫左份西班牙黑毛豬豬鞍架配蜜糖蘋果汁，我地仲叫左黑松露蜜糖雞翼。好快店員就送上麵包，麵包好香蒜蓉味，而且好鬆軟。黑松露蜜糖雞翼，雞翼煎得好香口，黑松露香味加上蜜糖甜甜地，幾惹味。之後餐湯亦都送到，餐湯應該係蘑菇湯，有濃濃嘅蘑菇味，幾好飲。
我嘅安格斯牛扒送上黎嘅時候，我真係嚇左一跳，哇，竟然咁大塊牛扒，唔止面積大，牛扒仲非常厚身，份量十足，旁邊仲有多塊薯格同埋配菜，呢個套餐真係好豐富！五成熟嘅安格斯牛扒真係啱啱好，肉質鮮嫩，配上醬汁，好食得黎仲唔膩！朋友嘅黑毛豬豬鞍架亦都唔錯，黑毛豬肉質軟嫩，配上蜜糖蘋果汁，味道幾特別。
兩個套餐都唔錯同好大份，呢度環景幾舒適，我地可以邊食邊傾下計，慢慢品嚐美食，雖然食到好飽，但點可以唔食甜品呢，精選甜品只係加$12，最後我地叫左榴槤炸彈，榴槤炸彈外表好似個薯波咁，外脆內軟，食落仲熱辣辣，裡面係好香嘅榴槤餡，榴槤味似真係食緊榴槤咁，好好食。呢間社企餐廳真係值得一試，食物、環境同服務都好好，非常期待下次試下佢地嘅甜蜜下午茶套餐！！
张贴
